بزاف ديال الشباب تايقولك الناعورة ناعسة.. و النهار و مطال شاد التليفون ماتيستافد منو تا وزا.. هاد المنشور درتوا على العمل الحر فالنت.. نشرح لكم 3 ديال المجالات ف Google يمكن تخدم فيهم ودور الناعورة بالمزيان..
المهم مانطولش عليكم قرا معيا المنشور ديال الربح من Google بالدارجة المغربية يتمعن
المجال الأول:
الربح من أدسنس باستخدام المواقع الإلكترونية
فهاد المجال يمكن ليك دير اللعاقة الصحيحة إلا عندك مع الكتابة ديال المواضيع.. كيف ذلك، ما عليك إلا تقوم بإنشاء مدونة بلوجر و تختار المجال لي غاتهضر فيه و تبقا تكتب المواضيع، كوبي كولي خاطينا لانه يتعارض مع قوانين جوجل الوقت لي غاتوصل لعدد من المواضيع غادي تقدم الطلب لجوجل أدسنس مني غاتقبل ليك الطلب غادي تبدأ تحط الإشهارات فالمدونة ديالك و الربح مؤكد لكن الكم ديال الفلوس رهين بعدد الزوار ديالك.. يعني دير شي حملة إعلانية و ستهدف دول معروفة و هانتا تخدم مزيان. فهمتو شي لعبة و لا والو ! ؟
المجال الثاني:
الربح من أدسنس عن طريق اليوتيوب
هاد المجال راه دار بووووم دابا فالمغرب و القنوات كثرو و دايرين البوز " روتيني اليومي".. المهم غادي تقوم بإنشاء قناة على اليوتيوب و دير فيديوهات على مواضيع لي تختار نتا.. لكن اليوتيوب زيرات الطرح شوية فالقوانين خاصك الا بغيتي تقوم بتفعيل الربح " monétiser les vidéos " حاصك تجمع 1000 مشترك " abonnés " و 4000 ساعة ديال المشاهدات " visionnage ".. من بعد غاتربط القناة ديالك ب أدسنس و دير تفعيل الربح و أراك الاشهارات و اللعاقة.. كاينين مواضيع بزاف ممكن تخدم عليهم..
المجال الثالت:
الربح من تطبيقات أندرويد
هاد المجال شوية صعيب و تايطلب الواحد يكون شوية عقلو مفتوح و عندو معا الماط.. تانهدر هنا على برمجة تطبيقات جوجل.. ما عليك غير تقوم بتتبع دورة من دورات برمجة تطبيقات الاندرويد راه كاينين كثار فاليوتيوب و كانصح بالمهندس العراقي حسين الربيعي و قناته بغداد الجديدة اولا المهندس العماني عبدالله عيد و قناته "salim 3DD" هادو راه ناضيين تبع الدورة و حدة بوحدة وبدأ بالتطبيق عليهم..
الادوات و البرامج لي غايخصوك هما
شي حاسوب "PC" حي 6 جيگا فالرام على الاقل
حساب مطور جوجل " compte développeur Google" تايتشرا ب 25 دولار
و الشرح كيفاش تقاد هاد الهم كامل كاين فالقنوات لي قلت لك..
فالاخير الجلوس و متابعة الهاتف 24 ساعة دون الاستفادة من شيء يعد ضياعا لوقتك، و لحياتك.. الأفكار راه ممكن ترجمهم فلوس الا كنتي حار و باغي تخدم و ترد رزقك بأيديك و تجبدهم من فم السبع.. الخدمة الخدمة الخدمة أ العود هادي مقولة ديال واحد المليونير المغربي لي تانفتاخرو بيه SIMO LIFE.
أي صعوبة لقيتها و لا أي سؤال فهاد الهم لي قلنا ما عليك غير تراسلني هنا و لا ف صفحة التقني